ИКТ Комора на Македонија

Одржано редовно годишно собрание на ИКТ комората

vordan — Sat, 14 Feb 2009 20:57:21 +0000

ИКТ комората го одржа свотео редовно годишно собрание на 10 февруари 2009 година, во просториите на Универзитетот ФОН. На собранието се сумираа резлултатите од минатата година, а членовите избраа и ново раководство на комората поради истекот на мандатот на Претседателот и Управниот и надзорниот одбор.

За претседателски кандидати на ИКТ Комората беа номинирани г-дин Саша Огненовски и г-дин Никола Хорватовиќ.

За нов претседател на ИКТ Комората беше избран г-дин Никола Хорватовиќ.

Исто така, беа изгласани и членови на Управен и Надзорен одбор на ИКТ комората.

Закажано годишно Собрание на ИКТ Комората

vordan — Mon, 02 Feb 2009 18:05:22 +0000

Почитувани членови на ИКТ Комората,

Претседателот на ИКТ Комората, г-дин Ванчо Орданоски, свикува седница на Собранието на Комората.
Седницата на Собрание ке се одржи на 10 февруари 2008 год. (вторник) во 12:00 часот.

За просториите во кои ќе се одржи седницата, дополнително ќе бидете известени.
Предлогот на дневен ред за седницата на Собранието е следниов:

1. Усвојување на Записникот од одржано редовно годишно Собрание на ИКТ Комората на 01.02.2008
2. Извештај за работењето на Комората во 2008 година План за активности во 2009 година
3. Избор / реизбор на Претседател на комората
4. Избор / реизбор на членови на Управен одбор на комората
5. Избор / реизбор на членови на Надзорен одбор на комората
6. Разно

Евентуалните забелешки и додатоци на дневниот ред за седницата на Собранието, членките ќе можат да ги искажат на проширената седница на Управен одбор, која ќе биде подготовка на Собранието. Оваа седница ќе се одржи една недела пред седницата на Собранието, а дополнително ќе Ве известиме за точните датум и место на одржување.

Ве молиме да го пријавите вашето учество на телефон 02/3091-440 или на е-маил: iktkomora@sоjuzkomori.org.mk

Утрински: Компјутерџиите се жалат дека „Телеком“ нефер им зема од пазарот

vordan — Wed, 06 Aug 2008 06:54:45 +0000

„Утрински весник“ на 6 август 2008, го објави следниов напис во врска со жалбата на ИКТ комората до Комисијата за заштита на конкуренцијата во врска со нелојалната конкуренција на „Телеком“ на ИТ пазарот.

Иако претседателот на ССКМ, г-дин Венко Глигоров во текстот е цитиран како изјавува дека ССКМ нема расправано за овој потег на ИКТ комората, сепак, мораме да го потсетиме дека на седницата на Управниот одбор одржан непосредно пред поднесувањето на барањето, сите присутни членови беа информирани за овој потег и ја изјавија својата поддршка. Дури беше развиена и мала дискусија во која позитивно беше оценета иницијативата на ИКТ комората како вистински пример на заштита на правата на бизнисите.

Го пренесуваме интегралниот текст од Утрински:

(more…)

Можност за учество на Форум на македонската ИКТ индустрија во Силиконска долина

vordan — Sun, 13 Jul 2008 18:15:36 +0000

Би сакале да ве информираме дека, од страна на амбасадорот во САД, г-дин Зоран Јолевски, добивме покана за учество на „Форум за преставување на македонската ИКТ индустрија во САД”, кој ќе се одржи во ноември оваа година, во Силиконската долина, Калифорнија.Целта на Форумот е преставување на македонската ИКТ индустрија во САД и воспоставување на контакти помеѓу овие две земји. Форумот ќе се состои од три сегменти:

Во првиот сегмент ќе биде претставена Р.Македонија, во вториот дел ќе биде претставувањето на ИКТ секторот од нашата држава, а потоа е предвидено да се остварат директни, билатерални контакти помеѓу американските и македонските компании. Целиот настан ќе трае еден ден.

На средбата е предвидено да имаат свое обраќање и г-дин Никола Груевски, премиер на Влада на Р.М, г-дин Зоран Ставрески, вице премиер одговорен за економски прашања, г-дин Иво Ивановски , министер за ИТ, преставник на Масит и преставник на Сојузот на стопански комори на Македонија.

Исто така, свое обраќање ќе имаат и г-дин Мајк Зафировски, претседател и CEO на Нортел, г-дин Мајк Ајник, поранешен амбасадор на САД во Македонија и г-дин Дик Голдман поранешен директор на УСАИД Македонија (треба да се потврди) .

Ве молиме да ни доставите конкретни забелешки и коментари, за да може нашата амбасада во САД да обезбеди средби со кластери на ИТ компании со кои би сакале да остварите средби.

Ве молиме, доколку сте заинтересирани за учество на Форумот, да го пријавите Вашето учество на тел/факс: 3091 440 е-маил: info@sojuzkomori.org.mk , контакт лице Александра Трајковска, координатор на ИКТ Комора Македонија на „ССК”.

Доставено барање до Комисијата за заштита на конкуренцијата

vordan — Sun, 22 Jun 2008 20:50:55 +0000

После интензивна подготовка, на 20 јуни 2008 ИКТ комората до Комисијата за заштита на конкуренцијата достави Барање за поведување на постапка против „Македонски Телеком АД“.

Еве го пропратното писмо, а можете да го преземете и Барањето до Комисијата за заштита на конкуренцијата (PDF, 160 KB).

Почитувани господа,

Би сакале да ве известиме за испраќањето на нашето Барање за поведување постапка за заштита на конкуренцијата, доставено до Комисијата за заштита на конкуренцијата.

Во ова барање, аргументирано докажуваме дека „Македонски Телеком АД” (Телеком) континуирано ги прекршува Уставот, релеватните закони и спогодби, на тој начин што ја злоупотребува својата доминантна положба на пазарот и врши нелојална конкуренција во полето на продажба на компјутерска опрема.

Со ваквото дејствување, Телеком директно ја доведува во криза ИТ индустријата во Македонија. Дека не се работи само за формална изјава, зборува и фактот што - според проценките кои ги имаме на располагање - Телеком на пазарот на персонални компјутери учествува дури со 50% од прометот (25 - 30,000 комплети годишно). Што тоа значи за компаниите кои се бават со овој вид дејност, а особено оние помалите, можете лесно да претпоставите. Во нашата комора постојано пристигнуваат поплаки од колегите кои се жалат на драстично намалениот промет.

Истовремено, би сакале да укажеме на уште еден момент. Имено, познат е фактот дека македонската држава поседува голем број на акции во Телеком и има влијание во неговото управување и начинот на делување.

Доколку државната администрација итно не постапи по нашето барање, тоа ќе претставува редок пример на неетичко однесување на државата која со своето дејствување директно им конкурира на сопствените даночни обврзници - компаниите од ИТ индустријата, притоа доведувајќи ги на работ на егзистенцијата.

Затоа, Ве молиме внимателно да го разгледате нашето барање и во рамките на законските ингеренции и можности веднаш да преземете соодветна акција.

Срдечен поздрав,

Ванчо Орданоски,

претседател на ИКТ Комората при ССКМ

Копие:

Премиерот на Владатана Р.М- г-дин Никола Груевски
Министерот за ИО - г-дин Иво Ивановски

Министерството за економија
Делегацијата на Комисијата на ЕУ во Македонија

100.000 компјутери на Груевски стојат во магацин

vordan — Tue, 05 Feb 2008 18:26:29 +0000

(Пренесено од „Вест“ од 05 фев. 2008)

ФИЈАСКО - И ПО ЕДНА ГОДИНА ОД АКЦИЈАТА “КОМПЈУТЕР ЗА СЕКОЕ ДЕТЕ”

Во битолската гимназијата “Јосип Броз Тито” велат дека уште ги чекаат масите за компјутерите. Само три средни училишта во државата добија половина од потребните компјутери
Владиниот проект “Компјутер за секое дете” што пред повеќе од една година го најави премиерот Никола Груевски се уште не е реализиран.
Цела година се проверува електричната инсталација во училиштата и речиси сигурно е дека компјутерите нема да влезат во школите до крајот на оваа учебна година.
“Од вкупно 100.000 компјутери кои треба да бидат донесени во училиштата, 90% од нив се пристигнати во земјава и се чуваат во магацини. Останатите треба да пристигнат во март”, вели Дрита Мамути, портпарол во Министерството за образование и наука. “Сега се работи на подобрување на електричната инсталација. Пред две недели испративме допис до сите училишта во кој ги информираме дека екипи на Македонската радиодифузија ќе доаѓаат да ја проверат инсталацијата. Тие ќе вршат вмрежување на компјутерите”, објасни Мамути. (more…)

Седница на Управен одбор на ИКТ комора

vordan — Tue, 05 Feb 2008 18:10:20 +0000

Драги членки,

Ве информираме дека г-дин Ванчо Орданоски, претседателот на ИКТ Комората при Сојузот на стопански комори на Македонија свикува седница на Управниот одбор во проширен состав. Ова значи дека се поканети и добродојдени сите членки на комората.

Седницата ќе се одржи на 8 февруари 2008 година во Штип, со почеток во 15 часот. За просториите каде ќе се одржи седницата, дополнително ќе бидете известени.

Бидејќи просторот е ограничен и треба да се планира, ги молиме сите оние кои сакаат да присуствуваат да го пријават своето учество на ikt@sojuzkomori.org.mk или на телефон/факс 02/3091-440.

(читајте понатаму за дневниот ред…)

(more…)

Одржано редовното годишно собрание на ИКТ комората

ИКТ Комора — Tue, 05 Feb 2008 18:06:19 +0000

На 1 февруари 2008 се одржа редовното годишно Собрание на ИКТ Комората на Република Македонија.

Откако се усвои записникот од минатото собрание, се премина на останатите точки од дневниот ред.

Беше даден извештај за работењето на Комората во 2007 година. Во минатата година имавме многу активности, средби и контакти. Комората со свои претставници учествуваше и во неколку државни комисии, а со своите барања и сугестии активно делува и во акциите на Владата во врска со информатичкото општество. Исто така, се вршат средби со странски и домашни инвеститори, се дискутира со разни истражувачки мисии на ЕУ, ММФ, Светската банка и сл. (more…)

Состанок на ИКТ комората со министерот Иво Ивановски

vordan — Fri, 01 Feb 2008 18:28:38 +0000

На 31.01.2008 година претставници од ИКТ комората при Сојузот на стопански комори на Македонија одржаа состанок со Министерот без ресор одговорен за информатичко општество - г-дин Иво Ивановски. На овој работен состанок како претставници на ИКТ присуствуваа следниве претставници:

Ванчо Орданоски, претседател на ИКТ комора Македонија
Методија Пејоски, член на Управен одбор на ИКТ комора Македонија
Саша Огненовски, член на Управен одбор на ИКТ комора Македонија
Александар Пајковски, член на ИКТ комора Македонија
Богдан Тодоровски, член на Управен одбор на ИКТ комора Македонија
Александра Трајковска, координатор во ИКТ комора Македонија (more…)

Записник бр. 01/08 од одржаната седница на УО на ИКТ Комората на Македонија на 10.01.2008 година

vordan — Thu, 24 Jan 2008 18:25:12 +0000

Дневен ред

1. Усвојување на Записник од претходно одржана седница на Управен одбор на ИКТ комора Македонија
2. Закажување на редовно годишно собрание на ИКТ комора
3. Разно.

Управниот одбор можеше полноправно да одлучува бидејќи на седницата имаше кворум (седум члена од Управниот одбор).

Преземете овде : Записник бр. 01/08 од одржаната седница на УО на ИКТ Комората на Македонија на 10.01.2008 година (pdf).